- ʼಡೀಲ್‌ ನಿಮ್ದು ಕಮಿಷನ್‌ ನಮ್ದುʼ ಎಂದು ಕಾಂಗ್ರೆಸ್‌ ಟೀಕೆ
- ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟರ್‌ಗಳು ವೈರಲ್
ಬೊಮ್ಮಾಯಿ ಸರ್ಕಾರದ ವಿರುದ್ಧ ಕಾಂಗ್ರೆಸ್‌ ಆರಂಭಿಸಿರುವ ʼಪೇ ಸಿಎಂʼ ಅಭಿಯಾನ ಸಾಮಾಜಿಕ ಜಾಲತಾಣದಲ್ಲಿ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡುತ್ತಿದೆ. ʼಪೇ ಸಿಎಂʼ ಅಭಿಯಾನದಡಿ ಸಚಿವ ಸಂಪುಟದ ಸದಸ್ಯರು ಮತ್ತು ಬಿಜೆಪಿ ನಾಯಕರನ್ನೂ ಕಾಂಗ್ರೆಸ್‌ ಎಳೆದು ತಂದಿದೆ.
ಆರೋಗ್ಯ ಸಚಿವ ಡಾ.ಕೆ ಸುಧಾಕರ್‌, ರಾಜ್ಯಸಭಾ ಸದಸ್ಯ ಮತ್ತು ನಟ ಜಗ್ಗೇಶ್‌, ಸಂಸದ ತೇಜಸ್ವಿ ಸೂರ್ಯ, ಬಿಜೆಪಿ ಉಪಾಧ್ಯಕ್ಷ ಬಿ ವೈ ವಿಜಯೇಂದ್ರ ಹಾಗೂ ಮಾಜಿ ಸಚಿವ ಕೆ ಎಸ್‌ ಈಶ್ವರಪ್ಪ ಅವರ ಸುತ್ತ ಕೇಳಿಬಂದಿರುವ ಭ್ರಷ್ಟಾಚಾರದ ಆರೋಪಗಳನ್ನು ಮುಂದಿಟ್ಟುಕೊಂಡು ʼಡೀಲ್‌ ನಿಮ್ದು ಕಮಿಷನ್‌ ನಮ್ದುʼ ಎಂದು ಕಾಂಗ್ರೆಸ್‌ ಟೀಕಿಸಿದೆ.
ಪ್ರತಿಯೊಬ್ಬ ನಾಯಕರ ಭಾವಚಿತ್ರ ಸಮೇತ ʼಪೇ ಸಿಎಂʼ ಪೋಸ್ಟರ್‌ ಸಿದ್ಧಪಡಿಸಲಾಗಿದೆ. ʼಕೈ ಏರಿಸು ಕರುನಾಡಿಗಾಗಿʼ ಫೇಸ್‌ಬುಕ್‌ ಪೇಜ್ ನಲ್ಲಿ ಈ ಪೋಸ್ಟರ್‌ಗಳು ಸಾಕಷ್ಟು ವೈರಲ್ ಆಗುತ್ತಿವೆ.
