ಏಷ್ಯಾ ಕಪ್‌| ಕುಸಿದ ಬಾಂಗ್ಲಾಕ್ಕೆ ಆಸರೆಯಾದ ಮುಸದ್ದಿಕ್; ಅಫ್ಘಾನಿಸ್ತಾನ ಗೆಲುವಿಗೆ 128 ರನ್ ಗುರಿ

  • ಶಾರ್ಜಾ ಮೈದಾನದಲ್ಲಿ ನಡೆಯುತ್ತಿರುವ ಪಂದ್ಯ
  • ಅಫ್ಘಾನ್ ಸಿನ್ನರ್‌ಗಳ ದಾಳಿಗೆ ಕುಸಿದ ಬಾಂಗ್ಲಾ

ಏಷ್ಯಾ ಕಪ್‌ ಟೂರ್ನಿಯ ಮೂರನೇ ಪಂದ್ಯದಲ್ಲಿ ಅಫ್ಘಾನಿಸ್ತಾನ, ಬಾಂಗ್ಲಾದೇಶ ತಂಡವನ್ನು 127 ರನ್‌ಗಳಿಗೆ ನಿಯಂತ್ರಿಸಿದೆ. ಶಾರ್ಜಾ ಮೈದಾನದಲ್ಲಿ ಟಾಸ್‌ ಗೆದ್ದ ಬಾಂಗ್ಲಾದೇಶ ತಂಡ, ಅಫ್ಘಾನ್‌ನ ಮುಜೀಬ್‌ ರಹ್ಮಾನ್‌ ಮತ್ತು ಅನುಭವಿ ಸ್ಪಿನ್ನರ್ ರಶೀದ್‌ ಖಾನ್‌ ದಾಳಿಗೆ ಸಿಲುಕಿ ರನ್‌ ಗಳಿಸಲು ಒದ್ದಾಡಿತು. ಅಂತಿಮವಾಗಿ ನಿಗದಿತ 20 ಓವರ್‌ಗಳಲ್ಲಿ 7 ವಿಕೆಟ್‌ ನಷ್ಟದಲ್ಲಿ 127 ರನ್‌ಗಳಿಸಿದೆ.

ಬಾಂಗ್ಲಾ ಪರ 7ನೇ ಕ್ರಮಾಂಕದಲ್ಲಿ ಮೈದಾನಕ್ಕಿಳಿದ ಮುಸದ್ದಿಕ್‌ ಹುಸೈನ್‌ ಅಜೇಯ 48 ರನ್‌ಗಳಿಸಿ ತಂಡವನ್ನು 100ರ ಗಡಿ ದಾಟಿಸಿದರು. 31 ಎಸೆತಗಳನ್ನು ಎದುರಿಸಿದ ಹುಸೈನ್‌, 4 ಬೌಂಡರಿ ಮತ್ತು 1 ಸಿಕ್ಸರ್‌ ಬಾರಿಸಿದರು. ಉಳಿದಂತೆ ಮಹ್ಮದುಲ್ಲಾ 25 ರನ್‌ ಗಳಿಸಿದರೆ, ಮೆಹ್ದಿ ಹಸನ್‌ 14 ಮತ್ತು ಆತಿಫ್‌ ಹುಸೈನ್‌ 12 ರನ್‌ಗಳಿಸಿದರು. ನಾಯಕ ಶಕೀಬ್‌ ಅಲ್‌ ಹಸನ್‌ 11 ರನ್‌ ಗಳಿಸಿ ನಿರ್ಗಮಿಸಿದರು.

ಈ ಸುದ್ದಿ ಓದಿದ್ದೀರಾ ? : ಏಕಲವ್ಯ, ಜೀವಮಾನ ಸಾಧನೆ, ಕರ್ನಾಟಕ ಕ್ರೀಡಾ ರತ್ನ ಪ್ರಶಸ್ತಿ ಪ್ರದಾನ

ಒಂದು ಹಂತದಲ್ಲಿ ಬಾಂಗ್ಲಾದೇಶ 28 ರನ್‌ಗಳಿಸುವಷ್ಟರಲ್ಲಿಯೇ 4 ವಿಕೆಟ್‌ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿತ್ತು. ಆ ಬಳಿಕ ಮುಸದ್ದಿಕ್‌, ಮಹ್ಮೂದುಲ್ಲಾ ತಂಡದ ನೆರವಿಗೆ ನಿಂತರು. ಅಫ್ಘಾನಿಸ್ತಾನದ ಪರ ಬಿಗು ಬೌಲಿಂಗ್‌ ದಾಳಿ ಸಂಘಟಿಸಿದ ಮುಜೀಬ್‌ ರಹ್ಮಾನ್‌ ಮತ್ತು ರಶೀದ್‌ ಖಾನ್‌ ತಲಾ ಮೂರು ವಿಕೆಟ್‌ ಪಡೆದರು. ತಲಾ ನಾಲ್ಕು ಓವರ್‌ಗಳ ದಾಳಿಯಲ್ಲಿ ಮುಜೀಬ್‌ 16 ರನ್‌ ನೀಡಿದರೆ, ರಶೀದ್‌ 22 ರನ್‌ ಬಿಟ್ಟುಕೊಟ್ಟರು.

ಈ ಪಂದ್ಯದಲ್ಲಿ ಅಫ್ಘಾನಿಸ್ತಾನ ಗೆಲುವು ಸಾಧಿಸಿದರೆ ಸೂಪರ್-4 ಹಂತಕ್ಕೆ ಪ್ರವೇಶಿಸುವುದು ಬಹುತೇಕ ಖಚತವಾಗಲಿದೆ. ಉದ್ಘಾಟನಾ ಪಂದ್ಯದಲ್ಲಿ ಶ್ರೀಲಂಕಾವನ್ನು ಎದುರಿಸಿದ್ದ ಅಫ್ಘಾನಿಸ್ತಾನವು 8 ವಿಕೆಟ್‌ಗಳಿಂದ ಮಣಿಸಿತ್ತು.

ನಿಮಗೆ ಏನು ಅನ್ನಿಸ್ತು?
0 ವೋಟ್