- ನ್ಯೂಜಿಲೆಂಡ್‌ಗೆ 192 ರನ್‌ಗಳ ಗುರಿ ನೀಡಿದ್ದ ಭಾರತ
- ಭಾರತ ಪರ 4 ವಿಕೆಟ್ ಕಬಳಿಸಿದ ದೀಪಕ್ ಹೂಡಾ
ಭಾರತ- ನ್ಯೂಜಿಲೆಂಡ್ ಟಿ20 ಸರಣಿಯ ಎರಡನೇ ಪಂದ್ಯದಲ್ಲಿ ಭಾರತ 65 ರನ್‌ಗಳ ಭರ್ಜರಿ ಜಯ ಸಾಧಿಸಿದೆ. ಈ ಮೂಲಕ ಮೂರು ಪಂದ್ಯಗಳ ಟಿ20 ಸರಣಿಯಲ್ಲಿ 1-0 ಯಿಂದ ಮುನ್ನಡೆ ಸಾಧಿಸಿದೆ.
ಮೊದಲು ಬ್ಯಾಟಿಂಗ್‌ ಮಾಡಿದ ಭಾರತ 20 ಓವರ್‌ಗಳಲ್ಲಿ ನ್ಯೂಜಿಲೆಂಡ್‌ಗೆ 192 ರನ್‌ಗಳ ಗುರಿ ನೀಡಿತ್ತು. ಈ ಗುರಿ ಬೆನ್ನಟ್ಟಿದ ನ್ಯೂಜಿಲೆಂಡ್ ಆರಂಭದಲ್ಲೇ ವಿಕೆಟ್ ಕಳೆದುಕೊಂಡಿತ್ತು. ಫಿನ್ ಅಲೆನ್ ಶೂನ್ಯಕ್ಕೆ ಔಟಾದರು. ಡೆವೊನ್ ಕಾನ್ವೇ (25) ಬೇಗನೇ ವಿಕೆಟ್ ಕಳೆದುಕೊಂಡಿದ್ದರು. ನಾಯಕ ಕೇನ್ ವಿಲಿಯಮ್ಸನ್ (61) ಅರ್ಧಶತಕ ಹೊರತುಪಡಿಸಿದರೆ ಯಾವ ಬ್ಯಾಟರ್‌ಗಳು ಕೂಡ ಹೆಚ್ಚು ಹೊತ್ತು ಕ್ರೀಸ್‌ನಲ್ಲಿ ನಿಲ್ಲಲಿಲ್ಲ.
A well deserved Player of the Match award for @surya_14kumar as #TeamIndia win by 65 runs in the 2nd T20I 👏👏
— BCCI (@BCCI) November 20, 2022
Scorecard - https://t.co/OvmynDiyd8 #NZvIND pic.twitter.com/TuYSRsIIgQ
ಅಂತಿಮವಾಗಿ ನ್ಯೂಜಿಲೆಂಡ್ 18.5 ಓವರ್‌ಗಳಲ್ಲಿ ತನ್ನಲ್ಲೆ ವಿಕೆಟ್ ಕಳೆದುಕೊಂಡು 126 ರನ್‌ ಗಳಿಸಿತ್ತು. ಭಾರತ ಪರ ದೀಪಕ್ ಹೂಡಾ 4 ವಿಕೆಟ್ ಕಬಳಿಸಿದರೆ, ಮೊಹಮ್ಮದ್ ಸಿರಾಜ್, ಯುಜುವೇಂದ್ರ ಚಾಹಲ್ ತಲಾ ಎರಡು ವಿಕೆಟ್ ಪಡೆದರು. ಭುವನೇಶ್ವರ್ ಕುಮಾರ್ ಒಂದು ವಿಕೆಟ್ ಪಡೆದರು.
ಇದಕ್ಕೂ ಮೊದಲು ಟಾಸ್‌ ಸೋತು ಬ್ಯಾಟಿಂಗ್‌ ಮಾಡಿದ ಭಾರತ 20 ಓವರ್‌ಗಳಲ್ಲಿ 6 ವಿಕೆಟ್ ಕಳೆದುಕೊಂಡು 191 ರನ್‌ ಗಳಿಸಿತ್ತು.
Deepak Hooda is our Top Performer from the second innings for his brilliant bowling figures of 4/10 in 2.5 overs.
— BCCI (@BCCI) November 20, 2022
A look at his bowling summary here 👇👇#NZvIND pic.twitter.com/DiKpeIFyOn
ಆರಂಭಿಕರಾದ ಇಶಾನ್‌ ಕಿಶನ್‌ 36 ರನ್‌ ಗಳಿಸಿದರೆ ರಿಷಬ್‌ ಪಂತ್‌ 6 ಗಳಿಸಿ ಬೇಗನೆ ವಿಕೆಟ್ ಒಪ್ಪಿಸಿದರು. ಮೂರನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಸೂರ್ಯಕುಮಾರ್‌ ಯಾದವ್‌ ಭರ್ಜರಿ ಬ್ಯಾಟಿಂಗ್‌ ಮಾಡಿದರು. 51 ಬಾಲ್‌ಗಳಲ್ಲಿ 111 ರನ್‌ ಗಳಿಸಿ ಔಟ್‌ ಆಗದೆ ಉಳಿದರು.
ಅಂತಿಮವಾಗಿ ಭಾರತ 20 ಓವರ್‌ಗಳಲ್ಲಿ ಆರು ವಿಕೆಟ್ ಕಳೆದುಕೊಂಡು 191 ರನ್‌ ಗಳಿಸಿತ್ತು. ನ್ಯೂಜಿಲೆಂಡ್ ಪರ ಟಿಮ್ ಸೌಥಿ 4 ಓವರ್‌ ಬೌಲಿಂಗ್‌ ಮಾಡಿ 3 ವಿಕೆಟ್ ಪಡೆದರು.
ನವೆಂಬರ್‌ 22, ಮಂಗಳವಾರ ಮೂರನೇ ಪಂದ್ಯ ನಡೆಯಲಿದೆ
