ಅಯೋಧ್ಯೆಯಲ್ಲಿ ನಡೆಯುತ್ತಿರುವ ರಾಮ ಮಂದಿರ ಉದ್ಘಾಟನಾ ಸಮಾರಂಭದ ಅಂಗವಾಗಿ ನಡೆಯುತ್ತಿದ್ದ ಯಾತ್ರೆಯಲ್ಲಿ ಎರಡು ಬಣಗಳ ನಡುವೆ ಸಂಘರ್ಷ ನಡೆದಿರುವ ಘಟನೆ ಉತ್ತರ ಗುಜರಾತ್ ಮೆಸನಾ ಜಿಲ್ಲೆಯ ಗ್ರಾಮವೊಂದರಲ್ಲಿ ನಡೆದಿದೆ.
ಕೇರಾಲುವಿನ ಬೆಲಿಮ್‌ವಾಸ್‌ನಲ್ಲಿನ ಹತಾದಿಯಾ ಪ್ರದೇಶದಲ್ಲಿ ಡಿ.21 ರಂದು ಮೆರವಣಿಗೆ ಸಾಗುತ್ತಿದ್ದ ಸಂದರ್ಭದಲ್ಲಿ ಕಲ್ಲುಗಳನ್ನು ಎಸೆಯಲಾಗಿದೆ. ಮೆರವಣಿಗೆ ಸಂದರ್ಭದಲ್ಲಿ ಪಟಾಕಿ ಸಿಡಿತ ಹಾಗೂ ಅತಿಯಾದ ಶಬ್ದವಿದ್ದ ಸಂಗೀತ ಆಯೋಜಿಸಿದ್ದ ಕಾರಣ ಇನ್ನೊಂದು ಬಣ ಕಲ್ಲು ಎಸೆಯಲು ಕಾರಣ ಎಂದು ಸ್ಥಳೀಯ ಪೊಲೀಸರು ತಿಳಿಸಿದ್ದಾರೆ.
ಈ ಸುದ್ದಿ ಓದಿದ್ದೀರಾ? ಈ ದಿನ ಸಂಪಾದಕೀಯ | ಬಗ್ಗಿ ಬದುಕಿದವರು ಎದ್ದು ನಿಲ್ಲುವುದು ಯಾವಾಗ?
ಈ ಘಟನೆಯಿಂದ ಎರಡು ಬಣಗಳ ನಡುವೆ ಸಂಘರ್ಷ ಉಂಟಾಗಿದೆ. ಗಲಾಟೆ ಉಲ್ಬಣಿಸಿದಂತೆ ಎರಡು ಕಡೆಯ ಗುಂಪನ್ನು ಚದುರಿಸಲು ಪೊಲೀಸರು ಮೂರು ಸುತ್ತು ಅಶ್ರುವಾಯು ಸಿಡಿಸಿದರು. ಮನೆಯ ಛಾವಣಿಯಿಂದ ಕಲ್ಲು ಎಸೆಯುತ್ತಿರುವುದು ಹಾಗೂ ಮೆರವಣಿಗೆಯಲ್ಲಿ ಒಂದು ಗುಂಪು ಕತ್ತಿಗಳನ್ನು ತೋರಿಸುತ್ತಿರುವ ವಿಡಿಯೋ ವೈರಲ್ ಆಗಿದೆ.
“ಪೊಲೀಸ್ ಬೆಂಗಾವಲಿನೊಂದಿಗೆ ಮೆರವಣಿಗೆ ಸಾಗಿದ ಕಾರಣ ಪರಿಸ್ಥಿತಿ ನಿಯಂತ್ರಣದಲ್ಲಿದೆ. ನಾವು ಅಪರಾಧದ ಬಗ್ಗೆ ಮಾಹಿತಿ ಕಲೆ ಹಾಕುತ್ತಿದ್ದೇವೆ” ಎಂದು ಸ್ಥಳಕ್ಕೆ ಧಾವಿಸಿದ ಗುಜರಾತ್ ಗಾಂಧಿ ನಗರ ವಿಭಾಗದ ಡಿಐಜಿ ವೀರೇಂದ್ರ ಯಾದವ್ ತಿಳಿಸಿದ್ದಾರೆ.
