ರಾಮಲೀಲಾ ನಾಟಕದ ಸೀತೆಯ ಪಾತ್ರದಲ್ಲಿ ಹಿಂಧೂ ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತಂದ ಕಾರಣಕ್ಕಾಗಿ ಪುಣೆಯ ಸಾವಿತ್ರಿಬಾಯಿ ಫುಲೆ ವಿವಿಯ ಓರ್ವ ಪ್ರಾಧ್ಯಾಪಕ ಹಾಗೂ ಐವರು ವಿದ್ಯಾರ್ಥಿಗಳನ್ನು ಬಂಧಿಸಲಾಗಿದೆ.
ರಾಮಲೀಲಾ ನಾಟಕದಲ್ಲಿ ಆಕ್ಷೇಪಾರ್ಹ ಸಂಭಾಷಣೆಗಳು ಹಾಗೂ ದೃಶ್ಯಗಳಿದ್ದವು. ವೈರಲ್‌ ಆದ ವಿಡಿಯೋದಲ್ಲಿ ಸೀತೆ ಪಾತ್ರದಲ್ಲಿದ್ದ ಪುರುಷ ಕಲಾವಿದರೊಬ್ಬರು ಸಿಗರೇಟ್ ಸೇವನೆ ಮಾಡುವುದಲ್ಲದೆ ಅಶ್ಲೀಲ ಭಾಷೆ ಬಳಕೆ ಮಾಡಿದ್ದರು.
ಈ ನಾಟಕವನ್ನು ಪುಣೆ ವಿವಿಯ ಕ್ಯಾಂಪಸ್‌ನಲ್ಲಿ ಆಡಿಸಲಾಗಿತ್ತು. ನಾಟಕ ನೋಡಿದ ಪುಣೆ ವಿವಿಯ ಲಲಿತಾ ಕೇಂದ್ರದ ಆರ್‌ಎಸ್ಎಸ್‌, ಎಬಿವಿಪಿ ವಿದ್ಯಾರ್ಥಿಗಳು ನಾಟಕಕ್ಕೆ ವಿರೋಧ ವ್ಯಕ್ತಪಡಿಸಿ ಪೊಲೀಸ್ ದೂರು ನೀಡಿದ್ದಾರೆ.
ಈ ಸುದ್ದಿ ಓದಿದ್ದೀರಾ? ಈ ದಿನ ಸಂಪಾದಕೀಯ | ಕೇಂದ್ರದ ತಾರತಮ್ಯ ನೀತಿಯನ್ನು ಪ್ರಶ್ನಿಸುವುದು ತಪ್ಪೇ?
ಎಬಿವಿಪಿ ಕಾರ್ಯಕರ್ತರ ದೂರಿನ ಮೇರೆಗೆ ಐಪಿಸಿ ಸೆಕ್ಷನ್ 295(ಎ)(ಯಾವುದೇ ಧರ್ಮದ ಧಾರ್ಮಿಕ ಭಾವನೆಗಳಿಗೆ ಉದ್ದೇಶಪೂರ್ವಕವಾಗಿ ಕೆರಳಿಸುವಂತೆ ನೋವುಂಟು ಮಾಡುವುದು) ಹಾಗೂ ಇತರ ಕಾನೂನಿನ ಅಡಿಯಲ್ಲಿ ದೂರು ದಾಖಲಿಸಲಾಗಿದೆ.
ಘಟನೆಗೆ ಸಂಬಂಧಿಸಿದಂತೆ ಲಲಿತಾ ಕಲಾ ಕೇಂದ್ರದ ಪ್ರಾಧ್ಯಾಪಕ ಡಾ. ಪ್ರವೀಣ್ ಬೋಲೆ ಹಾಗೂ ಐವರು ವಿದ್ಯಾರ್ಥಿಗಳನ್ನು ಬಂಧಿಸಲಾಗಿದೆ.
