ಕಳೆದ 10 ದಿನದಲ್ಲಿ 12 ಮಂದಿಗೆ ಮರಣದಂಡನೆ ವಿಧಿಸಿದ ಸೌದಿ ಅರೆಬಿಯ

The government of Saudi Arabia has sentenced 12 people to death in the last 10 days
  • ಹತ್ತು ದಿನಗಳಲ್ಲಿ ಶಿರಚ್ಛೇದ ಶಿಕ್ಷೆಗೆ ಬಲಿಯಾದ 12 ಮಂದಿ
  • ವಿವರ ಬಹಿರಂಗಪಡಿಸಿದ ಮಾನವ ಹಕ್ಕುಗಳ ಸಂಘಟನೆ

ಮಾದಕದ್ರವ್ಯ (ಡ್ರಗ್ಸ್‌) ಪ್ರಕರಣದಲ್ಲಿ ಅಪರಾಧಿ ಎಂದು ಸಾಬೀತಾದ 12 ಮಂದಿಗೆ ಕಳೆದ 10 ದಿನದಲ್ಲಿ ಸೌದಿ ಅರೆಬಿಯ ಸರ್ಕಾರ ಮರಣದಂಡನೆ ವಿಧಿಸಿದೆ.

ಮಾನವ ಹಕ್ಕುಗಳ ಸಂಘಟನೆಯೊಂದು ಈ ವಿಚಾರ ಬಹಿರಂಗಪಡಿಸಿದ್ದು, ಬಹುತೇಕ ಮಂದಿಯನ್ನು ಶಿರಚ್ಛೇದ ಮಾಡಲಾಗಿದೆ ಎಂದು ಮಾಹಿತಿ ನೀಡಿದೆ.

ಗಲ್ಲು ಶಿಕ್ಷೆಗೆ ಗುರಿಯಾದವರಲ್ಲಿ ಮೂವರು ಪಾಕಿಸ್ತಾನಿಯರು, ಸಿರಿಯಾದ ನಾಲ್ವರು, ಜೋರ್ಡಾನ್‌ನ ಇಬ್ಬರು ಹಾಗೂ ಸೌದಿಯ ಮೂವರು ಸೇರಿದ್ದಾರೆ.

ಈ ಸುದ್ದಿ ಓದಿದ್ದೀರಾ?  ಕತಾರ್ ವಿಶ್ವಕಪ್ | ಐತಿಹಾಸಿಕ ಗೆಲುವಿನ ಸಂಭ್ರಮಕ್ಕೆ ದೇಶಕ್ಕೇ ರಜೆ ಘೋಷಿಸಿದ ಸೌದಿ ದೊರೆ!

ಇದೀಗ, ಈ ವರ್ಷ ಸೌದಿಯಲ್ಲಿ ಗಲ್ಲು ಶಿಕ್ಷೆಗೆ ಗುರಿಯಾದವರ ಒಟ್ಟು ಸಂಖ್ಯೆ 132ಕ್ಕೇರಿದಂತಾಗಿದೆ. ಈ ಸಂಖ್ಯೆ ಹಿಂದಿನ ಎರಡೂ (2020 ಮತ್ತು 2021) ವರ್ಷಗಳಲ್ಲಿ ಒಟ್ಟಾರೆ ಮರಣದಂಡನೆಗೆ ಗುರಿಯಾದವರಿಗಿಂತಲೂ ಹೆಚ್ಚಾಗಿದೆ.

2020 ಮತ್ತು 2021ರ ಅವಧಿಗೆ ಹೋಲಿಸಿದರೆ, ಈ ವರ್ಷ ಅತಿಹೆಚ್ಚು ಮಂದಿಗೆ ಸೌದಿ ಸರ್ಕಾರ ಗಲ್ಲುಶಿಕ್ಷೆ ವಿಧಿಸಿದೆ. 2018ರಲ್ಲಿ ಗಲ್ಲು ಶಿಕ್ಷೆಗಳನ್ನು ಕಡಿಮೆ ಮಾಡುವುದಾಗಿ ಮತ್ತು ಕೊಲೆಗಾರರಿಗೆ ಮಾತ್ರ ಗಲ್ಲು ಶಿಕ್ಷೆ ವಿಧಿಸುವುದಾಗಿ ಸೌದಿ ರಾಜಕುವರ ಮೊಹಮ್ಮದ್‌ ಬಿನ್‌ ಸಲ್ಮಾನ್‌ ಹೇಳಿದ್ದರು. ಆದರೆ ಇದೀಗ ಮತ್ತೆ ಶಿಕ್ಷೆ ಪ್ರಮಾಣದಲ್ಲಿ ಏರಿಕೆಯಾಗಿದೆ.

ನಿಮಗೆ ಏನು ಅನ್ನಿಸ್ತು?
0 ವೋಟ್
eedina app